Notendaprófun

Um notendaprófanirnar

Allir fimm meðlimir hópsins framkvæmdu notendaprófanir á Canvas. Hver og einn hópmeðlimur fékk aðila úr sínu nærumhverfi til að gera stöðluð verkefni í Canvas-umhverfinu.

Lagt var fyrir þessa einstaklinga að leita tiltekinna upplýsinga á Canvas-vef og fylgst var með því hvernig sú upplýsingaleit gekk og hversu langan tíma hún tók.

Fjórir aðilar tóku notendaprófið á Canvas-vef námskeiðsins Vefstjórnun og upplýsingaarkitektúr (UPP110F) en einn aðilanna tók notendaprófið í áfanganum Hnattrænni heilsu (MAN603F).

Fjórir notendur voru konur en einn karl og aldursbil notenda var frá 19 til 34 ára. Upplýsingar um bakgrunn hvers og eins eru í töflunni hér að neðan:

Notendur

Grunnupplýsingar um notendur má finna í eftirfarandi töflu.

Verkefnin

Verkefnin sem leysa átti í notendaprófinu koma fram í eftirfarandi töflu ásamt þeim tíma sem það tók fyrir notendur að klára þau.

Nánari greining á hverju verkefni

Farðu inn á Uglu og þaðan í Canvas síðu námskeiðsins. Hvaða leið fórst þú?

• Enginn notenda átti erfitt með þetta skref.
• Tveir fóru þá leið að smella á nafn námskeiðsins og smella svo á Canvas-merkið á síðu námskeiðsins.
• Þrír völdu að smella beint á Canvas-merkið við nafnið á námskeiðinu.

Hvenær eru næstu verkefnaskil – og hverju á að skila?

• Hér völdu fjórir notendur (ABCD) að fara í “verkefni” og sáu þar næsta skilaverkefni.
• Einn notandi (A) íhugaði einnig að velja “verkefni” en endaði á að fara í dagatalið og sá þar hvaða skilaverkefni var næst á dagskrá.
• Notandi C kvaðst þó nokkuð óörugg um það hvort að þetta væri rétta leiðin og réttar upplýsingar.

Getur þú fundið upplýsingar um hvaða verkefni/próf eru til einkunnar?

• Notendur B, C og D fundu þessar upplýsingar fljótt undir liðnum “einkunnir”.
• Notendur C og D greindu þó frá því að þeim þætti framsetningin óskýr og að erfitt væri að átta sig á því hvort að um réttar upplýsingar væri að ræða.
• Notandi E fann þessar upplýsingar undir liðnum “kennsluáætlun” og “um þetta námskeið”.
• Notandi A leitaði að þessum upplýsingum án árangurs undir liðunum “kennsluáætlun” og “námsmat” en fann þær að endingu undir “einkunnir”.

Hvenær og hvar er næsti tími?

• Notendur lentu í langmestu vandræðunum með þessa spurningu, enda voru misvísandi upplýsingar um þetta atriði.
• Þegar notendur tóku prófið voru ekki upplýsingar um næsta tíma inni í dagatali og í stundaskrá voru rangar upplýsingar.
• Einungis notandi D (sem var seinust til að taka prófið) fann að endingu réttar upplýsingar í dagatalinu en hafði áður leitað í kennsluáætlun án árangurs.
• Notendur C og E hófu leit sína í valkostinum “stundartöflu” en hann opnar stundartöflu á Uglunni sem hafði að geyma úreltar/rangar upplýsingar. Þessir notendur leituðu víðar, t.d. í tilkynningum, kennsluáætlun og í dagatali (þar sem ekkert var skráð á þeim tíma).
• Notendur A og B hófu leit sína í dagatali þar sem ekkert var skráð og leituðu svo víðar án árangurs.

Hvar er að finna upptökur úr síðasta tíma?

• Notendur C og E fundu upptökuna með því að fara í gegnum dagatalið og sjá þar hlekk í zoom-upptöku.
• Notendur A og D fundu upptökuna undir “námsefni” en höfðu þá leitað undir “zoom” eða eftir öðrum sérstökum möguleika fyrir upptökur úr tímum án árangurs.
• Notandi B fann upptöku undir námsefni fyrir viku 8 en hafði áður skoðað Panopto möguleika. Hér ber þess að geta að notanda B var ekki að meta sama námskeið og hinir.

Almennar athugasemdir

• Nokkrir notendur töldu viðmótið of framsetninguna ruglingslega.
• Þá var minnst á það að of mikið af allskonar efni væri sýnilegt undir námsefni.
• Einnig var kallað eftir því að öll skjöl þyrfti að vera hægt að nálgast á einum stað og einnig upptökur.